WIE NEUGT OE OET UM MET TE DOAN AN de tweede DIALECTKWIS IN WIERDEN! Woer geet dat van oet? Van 'n Historischen Kreenk Wederden. Den hef ne dialectwerkgroep en den organiseert zienen tweeden dialectquiz in het kader van de dialectmoand! Woenneer is dat? Op doonderdag 13 meert 2025 om 19.30 uur in De Harmonie, Anjelierstroate 8A, Wierden.
Wiej hopt dat d’r völle leu met wilt doan, wiej hebt verschillende onderdelen, zoas dialect weure, dialect sprekweure, puzzels en nog wat andere kleanigheden en der is ok ne verlotting.
Jan Riesewijk vereert oons met ziene kuierieje.
Metdoan kost 5 euro de man/vrouwe en de koffie kriej dan vuur niks.
Wiej hebt onmeundig mooie prieze diej kunt winnen. En vuur 'n alderbesten hewwe ne wisselbokaal, want wiej maakt der ne Wierdense traditie van. De bokaal wördt oetereikt duur de winnaars van vurig joar.
Lik het oe mooi um d’r biej te wean? Geeft oe dan drekt op! Doot dat in ieder geval vuur 7 meert via [email protected] of via 0546-572651 of 06-19644877 Ok as ie der nog meer van wilt weten, kuj doar trechte.
Wieleu zeet oe doar gearne!
Meer activiteiten
Download onze app
