Ik weet ’t nit/niet/neet

Der was is ‘n jungske, zien naam was Jorryt

hee zear op alns: ‘Ik wet ‘t nit’

‘Wee’j ok woar de kruwage steet?’

‘Ik wet ‘t neet, ik wet ‘t neet’

‘Woar is oew zakdook, of bu’j hum kwiet?’

En wier wus oonze Jorryt, ‘t niet.

Moar a’j hum vrogen: ‘Wo’j nen toverbal?’

Dan zear Yorryt rap: ‘Dat lust ik wal!’

En op zien gezichte, nen breden lach;

Hee at der wal vieftig op enen dag!

Vroog iej wat aans an oonze Yorryt,

Dan zear hee wier: ‘ Ik weet ‘t nit’

‘Wee’j ok woar de trein hen geet?’

‘Ik wet ‘t neet, ik wet ‘t neet’.

‘Wee is biej ‘t schaatsen favoriet?’

En wier wus oonze Yorrit ‘t niet.

Allenig a’j vrogen, ‘Wo’j nen toverbal?’

Dan zear hee rap: ‘Dat lust ik wal!'

Hee at toverballen zo moar duur,

En op nen dag verschot hee van kluur.

Hee worden rood en pears en blauw en zwart,

en gel en greun, ach ‘t was miej wat!

Dee Yorryt, ‘t is misschien wal wat mal,

hee lik joa zölfs nen toverbal!

En hoo ‘t noe met Yorrit geet?

‘Ik wet ‘t neet, ik wet ‘t neet’.

Oorsproonkelik schreaven in 't Dreants duur: Hermien Boesjes

Umzet duur: Marlies Nijhuis, Kreenk vuur de Twentse Sproak

Twents, Buurse/Hoksebarge